Notum sit cunctis fidelibus sanctę Dei æcclesię catholicę, tam presentibus quam et futuris, quod ego Geraldus miles de castro quę vulgaliter {corr: vulgariter} nominatur de Latur, et est situs in valle qui vocatur Taleves, quę est in episcopatu Arvernensi; ideoque ego Geraldus supradictus recognosco et timeo judicium Dei supervenientis in me, et propter hoc dono Domino Deo et sanctis apostolis ejus Petro et Paulo et ad locum Cluniacensem, pro anima mea et anima patris mei et matris meę, et omnium propinquorum meorum, et maxime quia accipio habitum sacrę religionis in loco supradicto, in primis dono in loco jam dicto quartam partem in æcclesia Sancti Pardulfi et merchat de Turre, et campos et duos mansos in ipsa villa quę dicitur Maisnils, et medietatem in æcclesia de Mesces, et decem mansos in ipsa parrochia, et medietatem in æcclesia de Becia, et quattuor mansos juxta illam, et terciam partem de silvam; in villam quę dicitur Prad, unum mansum; in Monte Aolf, omne quod habeo; in Ancia medietatem; in Bosqued, II^os mansos; in Meganicias, II^os mansos; in Noalliac, I mansum; in villa Sotror, I mansum; in Ferrariolas, II^os mansos; in Perpresa, I mansum; et æcclesiam de Castres totam; in Pradas, I mansum; in Bladaned, alium; in Essamad, alium; in Orba villa, alium; in Cocioneria, alium, et villa de Bofau, et Issarz; in Chaldaria, totum; in Monte, I mansum, et villa quę vocetur (sic) Vasseria, et Ros Boiso; in Chalcidos, I mansum; in Baionese, alium; in Feleitosa, partem meam, et villa quę dicitur Sal; in Viaria, in Pered, IIII^or mansos, et æcclesia de Cingle, et IIII^or mansos in ipsum locum; in Collezia, II mansos; in Lada Petra, partem meam; in Estalz, I mansum; in Urschas, II mansos, et mansionem Gadannabe; in Teulad, I mansum; in æcclesia de Plauziac, terciam partem; et de omni honore quod habemus inter me et fratres meos extra montes terciam partem. S. Giraldi, qui hoc donum fecit et testes firmare rogavit. S. Stephani clerici, fratris sui. S. Bertranni monachi, fratris sui. S. Durandi, episcopi Arvernensis. S. Rotberti, comitis Arvernensis. S. Alterii militis. S. Geraldi, presbiteri, de Sancto Pardulfo. S. Bernardi, presbiteri, de Sancto Gallo. S. Bernardi de Parriniaco.