CCE: cartae cluniacenses electronicae
Database of the Charters of the abbey of Cluny (802-1300)

BB 3682     View  [Back]
Charta qua Wido Burgundus notum facit sese ipsum fecisse monachum et res suas in villa quæ dicitur ad altare monachis Cluniacensibus dedisse.
In nomine sanctę et individuę Trinitatis. Ego Wido, qui vocor Burgundus, reminiscens enormitatem meorum peccatorum et innumerabilium scelerum, relinquo mundum cum suis actibus, et Sancti Benedicti regulę gaudens subpono deinceps collum meum, et apud Cluniacum constituo me vivere et famulari Deo, ibique trado sanctis apostolis Petro et Paulo, videlicet loco supranominato, ubi videtur donnus abba Hugo magis prodesse quam preesse, unum mansum in villa quę vocatur ad Altare, ita solitum per singulos annos et constitutum, ut supradicto loco [Cluniaco] solvat, vel ubi donnus abba jusserit, IIII porcos, et IIII arietes, et IIII solidos, et unum sextarium de vino, et II frustra carnis, et II panes in Natale Domini, et quotiens dominus hujus mansi venerit, servitium. Hunc mansum trado Sancto Petro, ita consuetum, cum villano et uxore et progenie eorum morantibus in eo. Hoc donum laudaverunt comes Wilelmus et archiepiscopus Hugo Besontiensis, et Wido et Pontius, filii mei, et donnus Girardus de Fontevene, et Joscerannus et Aymo, participes nostri fundi. Si quis autem huic dono contrarius existere voluerit, iram omnipotentis Dei et sanctorum apostolorum super se provocet, nisi ad satisfactionem venerit. S. Widonis, qui hoc donum fecit et firmare jussit. S. archiepiscopi Hugonis Besontiensis. S. Widonis et Pontii filii mei. S. Josceranni. S. Aymonis.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung