CCE: cartae cluniacenses electronicae
Database of the Charters of the abbey of Cluny (802-1300)

BB 3683     View  [Back]
Charta qua Guido Rufus dat monasterio Cluniacensi medietatem ecclesiæ cum aliis rebus in villa Altari.
In nomine summi Dei, ego Guido miles, cognomento Rufus, de Burgundionis villa, cognoscens me multum male vitam duxisse meam per abrupta vitiorum a principio, penitentia ductus, dono Domino Deo omnipotenti satisfaciendo et sanctis apostolis ejus Petro et Paulo sanctęque congregationi Cluniensis cœnobii, in honore eorumdem apostolorum dicati, medietatem æcclesiæ quę sita est in villa quę dicitur Altaris, consecratam in honore beati apostolorum principis Petri, in pago Linguonico, cum uno molendino, piscariis, silvis, terris quoque cultis et incultis, insuper et medietatem potestatis quam habui in ipsa æcclesia, cum medietate nichilominus decimę, consensu simul ac dono domni Rotberti, Lingonicę urbis episcopi, qui hanc donationem sua auctoritate firmavit ac roboravit. Hoc autem facio pro salute animę meę ac genitoris mei Widonis, quondam Cluniacensis monachi, ac omnium antecessorum meorum, et ut omnipotens Deus absolvere me dignetur a vinculis omnium peccatorum. Testes autem hujus rei fuerunt: Walterius monacus et Frotmundus miles, nepotes mei. Si quis vero hoc donum calumpniatus fuerit, anathema sit. Facta est hæc carta temporibus domni Hugonis abbatis, anno Verbi incarnati millesimo XCo IIIIto, regnante Philippo, Francorum rege.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung