Tempore domni Hugonis abbatis quidam miles, nomine Girardus de Monte, dedit omnipotenti Deo et sancto Cluniacensi cęnobio, sub veneratione beatorum apostolorum Petri et Pauli consecrato, pro salute animę suę, quendam mansum qui est situs juxta ęcclesiam Sancti Leodegarii prope Cluniacum, in pago Matisconensi, sub custodia Galuniacensis decani. Qui cum postea in quadam expeditione percussus fuisset vulnere letali, donum quod antea in vita sua sanus fecerat, iterum laudavit et confirmavit in manu Stephani monachi, Galuniacensis villę decani. S. Girardi de Monte, qui hoc donum fecit. S. Gaufredi de Cassaneis. S. Aimeneldis, uxoris ejus. S. Wichardi, prepositi de Cabannis. Qui hoc donum infregerit anathema sit.