In nomine sanctę et individuæ Trinitatis. Notum sit fidelium sanctę Dei ęcclesię pię devotioni, quod ego Henricus, rex Anglorum, pro divini cultus amore et animę meę remedio et uxoris meę Mathildis reginę, et patris mei, et matris meę, et antecessorum meorum, et pro salute atque incolumitate filii mei Willelmi ac filię meę Mathildis, regię excellentię autentica largitione, concedo ęcclesiam Sanctę Trinitatis que est in Lemtona, dominio ac religioni monachorum Cluniacensium amodo ibidem Deo servientium, Willelmo Peverello ejusdem ęcclesię fundatore, cum uxore sua Adaleida et filio suo Willelmo, id fieri obnixe flagitante plurimumque deprecante, jure perpetuo sub prioratu ac dispositione Cluniacę institutionis inconcusse et inviolabiliter ac prorsus omni remota calumnia possidendam, cum universis quę ab eodem Willelmo Peverello de Notingeham eidem ęcclesię collata sunt, id est X carrucatę terrę cum pluribus decimis et manerium de Curtehala, excepto feoudo unius militis, quod Walterius, filius Winemeri tenet, et terra Turstini Mantelli. Pro recognitione autem dabit supradictus Willelmus et successores ejus unam marcam argenti de suo proprio, unoquoque anno, supradictę Cluniacensi ęcclesię. † Signum Henrici regis. † Signum Mathildis regine. † Signum Willelmi Pevrelli de Notingaham. † Signum Adelinę, suę uxoris. † Signum Willelmi Pevrelli, filii illorum. † Signum Ro[berti,] comitis Mellentis. † Signum Gisleberti de Aquila. † Signum Herberti. † Signum Rannulfi cancellarii. † Signum Ro[berti,] episcopi Lincoliensis. † Signum Rogerii, episcopi Salesberie. † Signum Roberti, episcopi de Cestre. † Signum Roberti, fratris Willelmi Pevrelli. † Signum Simonis comitis. † Signum Stephani, comitis de Alber.