Epistola Isoardi, episcopi Wapincensis, ad Hugonem, abbatem Cluniacensem, qua ei mandat se ecclesiam Sanctæ Mariæ de Vedeneto monasterio suo concessisse.
I[soardus,] Dei gratia, Vuapincensis episcopus, venerabili patri domno Hugoni, Cluniacensi abbati, in Domino salutem. Idibus maii, residentibus nobis ante presentiam domini Paschalis pape, frater Pe
trus, domini pape camerarius et vestri cęnobii monachus, nos humiliter rogavit, ut ęcclesiam Sanctę Mariæ de Vedeneto, quę nostri patrimonii est, vestro traderemus monasterio; et nos ergo, pro vestrę religionis reverentia et ejusdem fratris Petri amore, vestro cęnobio eandem ecclesiam cum omnibus ad eam pertinentibus, preter sinodalem justiciam, perpetuo concedimus possidendam. Ut autem hęc nostra concessio robur obtineat, presenti paginę propriis manibus dignum duximus subscribendum. Ego Isoardus episcopus subscripsi.