Anno ab incarnatione Domini nostri Jesu Christi M. C. Vto, decennovenalis cycli IIII, solaris XXII, lunaris XVIII, indictione XIII, epacta III, concurrente VI, Paschali papa vice beati Petri apostolicam sedem tenente, Henrico IIII^to regnante, Burchado episcopo Basiliensem ęcclesiam gubernante, venerabili autem patre Hugone Cluniaco presidente, omnipotentis Dei clementia ammonente, atque ulterius nolente pati locum Altichilchensis ęcclesiæ a symoniacis pollui, immo dignante vivis ac defunctis, amministratione quorum locus prefatus ad laudem suam est constitutus, orationibus, elemosinis inibi factis remissionem concedere peccatorum; ego Fridericus, filius comitis Theoderici de Montebiligardis, laudante matre mea Hermentrude, laudante ętiam Burchado, Basiliensi episcopo, presentibus autem canonicis atque laudantibus Altichilchensis ęcclesię: Reinbaldo preposito, Burchardo Vetulo, Wernero, Burchardo juvene, Petro, Azzone, pro me meisque omnibus antecessoribus successoribusque feci donationem Sancto Petro Cluniacensi et Hugoni, venerabili abbati Cluniacensis congregationis, ac abbatibus monachisque ibi commorantibus, per manum Hugonis de Durnach, prioris scilicet de Mortua Aqua, de loco qui vocatur Altichilca, sito in territorio Basiliensi, fundato vero et consecrato in honore sancti Cristofori martyris. Actum est V^o nonas julii, sub testibus his: Conone de Agonavalle, Lutfrido de Plugusa, Winethero de Sancto Oudalrico, Friderico de Heytewilare, Henrico de Suercha, Waltone de Michelbach, Teywino de Suspa, Reinbaldo de Amaratvilla, Burchardo, Winithero de Aspa, aliisque compluribus tam clericis quam laicis.