P[ontius], Dei gratia Bisuntinus archiepiscopus, H[ugoni], Cluniacensi abbati, cunctisque in Deo sibi subditis fratribus, salutem. Valclusensis æcclesię et prioris Mortuę Aquę Hugonis peticioni justę, vel qui eam possident principum adquiescere volentes, consensu Bisontinę æcclesię, concedimus Domino Deo et beatis apostolis ejus Petro et Paulo, et Cluniacensi æcclesię, cui Hugo abba preest, omnibusque successoribus ejus Valclusensem æcclesiam habendam et in perpetuum possidendam, salva tamen omni debita subjectione sanctę matris Bisontinę æcclesię. S. domni Mainerii decani. S. domni Hugonis. S. domni Manasses. S. domni Bernardi. S. domni Alberti. Facta est hęc promissio anno ab incarnatione Domini millesimo C.VII, apud Bisontinam urbem, in capitulo Sancti Johannis euvangelistę. (Sceau plaqué à moitié brisé)