In nomine sancte et individue Trinitatis. Ego Hugo, Dei gratia Cathalaunensis episcopus, notum fieri volumus omnibus fidelibus, quod monachi monasterii Sancti Tetbaldi, in parrechia Vitriacensi positi, nostram adeuntes presentiam, petierunt ut eis concederemus quatinus eos defunctos qui ad eos conductu presbiterorum suorum venire vellent, recipere et sepulture tradere eis liceret. Quorum petitionem rogatu Oddonis archidiaconi et ceterorum nostrorum fidelium clericorum et laicorum exaudientes, quod petierunt, pro salute animę nostrę et amore domini abbatis Cluniacensis concessimus, ita tamen ut nullum recipiant absque conductu presbiteri cujus parrochianus erit; et hoc mercedis ab eis accepimus, quod in monasterio illo memoria nostri in orationibus habebitur, et in Cluniacensi ęcclesia anniversarius obitus nostri dies quotannis celebrabitur. Et ut hoc nullus removere presumat, pontificali auctoritate sub anathemate precipimus. S. Oddonis archidiaconi. S. Warini decani. S. Bosonis. S. Hugonis. S. Richeri. S. Elberti. S. Raimbaldi. Actum Cathalaunis, per manum Warini cancellarii, anno Dominice incarnationis M^o C.VII, regnante Philippo in Gallia, indictione XV.