Notum sit omnibus, [ta]m futuris quam presentibus, quod ex [precepto] domini nostri papę Calisti, ad audientiam Engolismensis episcopi G[erardi] et sanctę Romanę ecclesie legati, A[imericus] ecclesię Claromontensis episcopus, cum clericis suis et P ... monasterii Cluniacensis abbas, cum monachis suis pro querimoniis diffiniendis quas ęcclesia Claromontensis adversus eos et ipsi adversus eam habuerant, quod Luperciacum convenerunt, ubi auditis ex utraque parte rationibus, religiosi ac sapientes viri, videlicet episcopi Vivariensis, Agignensis, Lemovicensis et Petragoricensis; abbates Sancti Marcialis, Sancti Eparchii, et Aureliacensis; clerici Hugo de Lavardino, et Hiterius, Valentinę ęcclesię canonicus, ad reformationem pacis inter eos et concordię, hanc diffinitionem ab utrisque laudatam ac concessam, pro judicio dederunt; quod quicquid in ecclesiis Arvernię monachi Cluniacenses possidebant quando celebratum fuit ab Urbano, bonę memorię papa, apud Claromontem concilium, illud etiam Cluniacensis ecclesia teneret et haberet. Si vero postea, concedente Claromontensis ecclesię pontifice, cum laude quatuor aut trium ejusdem ecclesię clericorum, monachi Cluniacenses aliquid quod non esset de communi victu canonicorum Beatę Marię, salva episcopi censura, a clericis vel laicis obtinuerunt, similiter Cluniacensis ęcclesia quiete teneret et haberet. Si autem aliquis ęcclesię Claromontensis episcopus, non concedente canonicorum generali capitulo, ecclesias vel alia ecclesiastica de communi victu clericorum cum tribus aut quatuor alienaverit, et monachis Cluniacensibus, vel aliis dederit, illas Claromontensis ecclesia revocabit et monachi Cluniacenses perdiderint. Huic autem placito interfuerunt tam laicales personę quam clerici: G. abbas de Brantosma, G. abbas de Sarlatho, archidiaconi Petragoricenses; W. de Nanclaro; J. de Salis; G. prior Huserchię, monacus; P. et G. de Mirebello, monachi; E. prior de Vestencio, clericus; R[icardus] legati nepos, clericus; Hugo monacus Casę Dei; A. vicecomes Lemovicensis; Stephanus de Castello et plures alii laici; Prior de Cruacho, monacus; A. decanus de Seliacho; S. archipresbiter de Cuciacho; P. prior de Buxera, monacus.