Anno ab incarnatione Domini nostri Jesu Christi M. centeximo vigeximo septimo, undecimo kalendas decembris, indicio sexta. Monasterio Sancti Petri, quod est situm et constructum in loco Cluneti, nos Obertus marchio, filius cujusdam item Oberti, et Berta, quę et Adælasia jugalis, filia cujusdam Darnadi, et Wilielmus atque Aledran et Bernardus, Riprandus, et Obertus, pater et filii, qui et quę professi sumus ex natione nostra lege vivere Salica, ipso namque jugale et genitori nostro nobis consentiente et subter confirmante, offertor et donatores, offertis et donatrix prædicto monasterio, presentes presentibus diximus: quisquis in sanctis ac in venerabilibus locis ex suis aliquid contulerit rebus, juxta Auctoris vocem, «in hoc seculo centuplum accipiet, et insuper, quod melius est, vitam possidebit ęternam.» Ideoque nos qui supra jugales, simul cum filiis nostris, donamus et cędimus atque offersionem facimus a presenti dię in eodem monasterio pro animarum nostrarum atque genitorum nostrorum mercedę. Hii sunt de nostris juris rebus et portionibus in loco et fundo Ocimiani pęcia una de sediminę, per mensuram juxtam jugera tres et perticę jugiales quattuor, atque pęcia una de bosco cum aręis suarum juris nostris insimul tenente, quod esse videtur jugera decem et octo et perticę jugiales octo, et jacet a loco qui nominatur Moneta, usque in Turiscina et usque in Paludo. Item in eodem loco Ocimiani similiter de nostris rebus juris inter vites et prata atque terra aratoria, per mensuram justa[m] jugera tredecim et perticę jugiales quattuor, quod est super totum modia centum. Insuper donamus atque cędimus in predicto monasterio totam illam decimam, scilicet de omnibus fructibus illis, quibus ex nostris justis laboribus sine contradictione dare potuerimus in Ocimiano et in Pomaro, atque in Sancto Salvatore, sive in Lugo, vel in Congiago, et in omnibus aliis nostris locis de nonis partibus, item decimam dare omnia in integrum. In hac donatione et offersione domnus Stephanus, prior de Castellito, receptor fuit a parte predicti monasterii, eo videlicet ordine ut supradicta pecia de sedimine monasterium Sanctę Dei genitricis virginis Marię atque Sancti Petri seu et Sanctę Crucis, in sanctificationę et honorę ipse prior Stephanus adjutor et operator ad hędificandum et componendum fieri debet; et ibi monachos et rectores mittere debet, ita ut diligenter ut quantum potuerit exerceatur. Quam autem supra istam pecia de sedimine et de bosco insimul tenente, atque de vitibus sive de pratis, seu et de terris arabilibus, simul cum predictis decimis et omnibus rebus juris nostris superius dictis, unacum accessionibus et ingressibus seu cum superioribus et inferioribus earum rerum, qualiter superius legitur, in integrum, ab hac die in predicto monasterio donamus, cędimus atque conferimus, et per presentem cartulam offersionis ibi habendum confirmamus; et faciat pars ipsius monasterii aut cui pars monasterii dederit jure proprietario nomine quicquid voluerit, sine nostra et heredum ac proheredum nostrorum contradictione et repetitione. Si quis vero, quod futurum esse non credo, si nos qui supra jugales (quod absit!), aut ullus de heredibus nostris ac proheredibus seu quislibet obposita persona contra hanc cartulam offersionis ire quandoque temptaverimus aut eam per quosvix ingenium infrangere quesierimus, tunc inferamus ad illam partem contra quam exinde litem intulerimus, multa quę est pena auri optimi uncias centum, argenti ponderas ducenti, et quod repetie[r]imus et vindicare non valeamus, sed presens hęc cartula offersionis diuturnis temporibus firma permaneat atque persistat inconvulsa, constipulatione subnixa; et a nobis qui supra jugalibus nostrisque heredibus ac proheredibus qualiter superius legitur, in integrum, ab omni homine defensare. Quod si defendere non poterimus aut si nobis exinde aliquid per quosvix ingenium subtraere quęsierimus, tunc in duplum suprascripta rex parti predicti monasterii restituamus, sicut pro tempore fuerint meliorate aut valuerint per extimationem in consimilibus locis. Et nec nobis liceat ullo tempore nolle quod voluimus, sed quod a nobis semel factum vel quod scriptum est inviolabiliter conservare promittimus, constipulatione subnixa. Hanc enim cartulam offertionis paginę Otonis notarii et judicis manu conscribere rogavimus, in qua subter confirmans, testibusque confirmans optulit roborandam. Actum infra castrum predicti Ocimiani feliciter. Signa manuum suprascriptorum jugalium et filiorum, qui hanc cartam offersionis pro animarum suarum mercede fieri rogaverunt. Et ipse Obertus marchio, qui ad eandem conjugem suam atque ad filios suos consensit, ut supra. Signa manuum Otonis Nanis de Trivilla, et Beri de Paxiliano, et Ugonis Merenza, Rainaldi, et Oberti de Gamundio. Fulco de Forio, Wilielmus de Ovilla, Johannes Pizo, milites et vassali ipsius marchisi inde fuerunt testes. Ego qui supra Oto notarius et judex scriptor hujus cartule offersionis post traditam complevi et tradidi.