CCE: cartae cluniacenses electronicae
Database of the Charters of the abbey of Cluny (802-1300)

BB 4076     View  [Back]
Præceptum Adefonsi, Hispaniarum imperatoris, quo concedit monasterio Cluniacensi ecclesiam Sancti Vincentii de Salamantica.
Cum Scriptura nos omnibus bonum facere moneat, ecclesiis et ecclesiasticis viris, veris Dei cultoribus, est elemosina precipue largienda, juxta illud Apostoli: «Dum tempus est, operemur bonum ad omnes, maxime autem ad domesticos fidei.» Hujus rei gratia, ego Adefonsus, imperator Hispanie, una cum uxore mea Berengaria, grato animo, voluntate spontanea, pro mea parentumque meorum salute, pro peccatorum nostrorum remissione, Cluniacensi ęcclesię, in honore beati Petri fundatę, et ejusdem ecclesie abbati domno Petro, monachisque omnibus Deo ibi militantibus, eorum[que] successoribus in perpetuum, ecclesiam Sancti Vincentii de Salamantica, cum omnibus ejus hereditatibus vel a me vel ab aliis ei datis, ejusdem ęcclesię priore domno Alvito domnoque Berengario ipsius civitatis episcopo, suggerentibus et concedentibus, jure hereditario dono, et hereditariam eis in perpetuum habendam concedo. Ita, inquam, predictę Cluniacensi ęcclesię et predicto abbati domno Petro, ecclesiam Sancti Vincentii prenominatam dono, quatenus canonicalem habitum qui modo ibi habetur, in habitum monacalem transvertat, et eidem ęcclesię ac ejus possessionibus, ut pater et dominus semper disponat et semper provideat. Si qua autem ęcclesiastica secularisve persona huic mee donationi contrarius in posterum venerit, et eam diruperit, ab omnipotente Deo maledictus in inferno cum Juda proditore dampnetur, nisi resipuerit; insuper pro temerario ausu, hereditate Cluniacensi ęcclesię duplata, regię potestati mille marcas pectet argenti. Facta carta Najarę, IIIIo kal. novenbris, era Ma Ca LXXXIa, predicto imperatore Adefonso imperante in Toleto, Legione, Sarragocia, Najara, Castella, Galecia. Ego Adefonsus imperator hanc donationem quam in manu domini Guidonis, Romanæ ecclesię cardinalis et legati, Cluniacensi ecclesie de predicta ecclesia Sancti Vincentii facio, Deo auctore, confirmo, et firmam et stabilem omni tempore esse concedo. (Monogramme) Signum imperatoris. Ego Berengaria imperatrix, confirmo. Ego Sancius, imperatoris major filius, confirmo. Ego Raimundus, Toletanus archiepiscopus, confirmo. Ego Petrus, Compostellanus archiepiscopus, confirmo. Ego Petrus, Secoviensis episcopus, confirmo. Ego Petrus, Palentinus episcopus, confirmo. Ego Bernardus, Sagontinus episcopus, confirmo. Ego Berengarius, Salamantinus episcopus, confirmo. Ego Stephanus, Oxomensis episcopus, confirmo. Rodericus Gomez comes, confirmavit. Poncius de Cabreria comes confirmavit. Guterrus Fernandez confirmavit. Rodericus Fernandez confirmavit. Didacus Munioz, majordomus imperatoris, confirmavit. Garsias Royz, majorinus imperatoris in Burgis, confirmavit. Geraldus scripsit, jussu imperatoris et magistri Hugonis, ejus cancellarii.
(Au dos:) Privilegium Aldefonsis (sic) imperatoris Hispaniarum, de Sancto Vincentio de Salamannica.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung