Litteræ Nicolai, episcopi Cameracensis, ad abbatem Valentianensem, quibus ei præcipit ut concordiam per ipsum factam, virtute litterarum archiepiscopi Remorum, observet, ut supra.
Nicolaus, Dei gratia Cameracensium episcopus, abbati de Valentianis et congregationi Sancti Johannis sibi commissæ obedientiæ vinculum. Scripsit dominus noster S[amso] Remorum archiepiscopus, in hæc verba: «Ad mandatum domini papæ Lucii, etc.» (ut supra, no 4100, usque) observari faciatis. Vobis igitur eadem domini papæ et domini metropolitani auctoritate et nostra sub obedientiæ reverentia præcipimus ut concordiam per nos factam, privilegio nostro confirmatam, absque aliqua interruptione observetis. Valete.