Bernardus Constantinus reliquit monachis Cluniacensibus mille solidos in clauso Amaliaco.
Bernardus, cognomento Constantinus, reliquit mille solidos in clauso Amaliaco, et uxor sua faciet illud ad medietatem; suamque partem de vino, quod exierit de illo, dabit nobis in redemptionem mille solidorum unoquoque anno. At vero si ipsa bene fecerit illud, auferemus ab ea. Filii sui hoc etiam laudaverunt, Stephanus Constantinus videlicet, Gaufredus et Unus clericus. Hoc etiam notum sit, quod medietatem unam dedit ipse Bernardus pro anima sua, quousque nummi jam dicti persolverentur.