Charta qua Daniel, Chepheri electus, monasterio Cluniacensi concedit ecclesiam Sanctæ Mariæ de Majori Monte.
Anno glorifice Christi incarnationis M
o C
o L
o VII
o, regnante invicto rege Willelmo, indictione VI
a, ego Daniel, Chepheri electus, consensu et voluntate fratrum subscriptorum, precibusque domini Renaldi de Tusa, concessi ęcclesię Cluniacensi ęcclesiam Sancte Marie, cum omnibus pertinentiis suis, quę est apud Majorem Montem, ut eam ęterno jure possideat sine calumpnia mei successorumque meorum, hac conditione quod singulis annis, in festo sancti Salvatoris, pro recognitione et reverentia presententur ęcclesię Chepheri due libre cere et una incensi per priorem de Sach vel per unum de cappellanis suis, et reverentiam cum debito honore exibeat Sancti Salvatoris prelato ceterisque fratribus. Hanc donationem, † ego Daniel, electus faciens, meo signo confirmo, datisque testimonium perhibeo. † Ego Hodo, canonicus et prior claustri, donum laudans, confirmo. † Ego Guido, canonicus et cellerarius, testis sum. † Ego Halardus, canonicus, testis sum. † Ego Johannes de Monte Corbino, canonicus, testis sum. † Ego Petrus de Sach, canonicus, testis sum. † Ego Hugo, canonicus, testis sum. † Ego Willelmus Provenzanus, canonicus, testis sum. † Ego Petrus, canonicus, testis sum. † Ego Thomas,
canonicus, testis sum. † Ego Willelmus, canonicus, testis sum. † Ego Gilibertus, canonicus, testis sum. † Ego Boso, Chepheri electus, predictam concessionem concedo et confirmo.
(Au dos:) Privilegium de domo Sancte Marie in Monte Majori.