Ego Galterus, Dei gratia Æduensis episcopus, tam futurorum quam præsentium memoriæ dignum duximus committendum, quod M[athildis], nobilis Tornodorensis comitissa, ecclesiæ Beati Petri Cluniacensis donavit et concessit perpetuo possidendam quartam partem villæ que dicitur Hiz, pro anniversario suo annuatim recolendo. Ad cujus petitionem hanc suam donationem præsenti scripto annotavimus et sigillo nostro communivimus, sub anathemate interdicentes ne quis ausu temerario hujus elemosinæ donationem audeat violare. Actum anno incarnati Verbi M^o C^o nonagesimo primo, mense martii.