Charta qua Oddo, dux Burgundiæ, notum facit se Hugoni, abbati Cluniacensi, quosdam homines apud Givreium concessisse.
Ego Oddo, dux Burgundiæ, omnibus notum facio me pro injuriis quas prioratui de Givreio intuleram et pro anima matris meæ et antecessorum meorum salute, domino Hugoni, venerabili abbati Cluniacensi, et ecclesiæ suæ quosdam homines, quos apud Givreium habebam, qui vocantur li Boolir et heredes eorum in perpetuum concessisse, et quicquid juris in eis habebam dedisse. Et ut donatio ista perpetuum robur obtineat, præsentem cartam sigillo nostro signatam eidem abbati in hujus rei firmamentum tradidimus. Actum est hoc in multotorum præsentia, apud Givreium, anno ab incarnatione Domini M. C. XCIIII.