Charta qua Sibylla, domina Bellijoci, dat corpus suum in ecclesia Cluniacensi sepeliendum.
Ego Sibilla, domina Bellijoci, omnibus notum facio præsentes litteras inspecturis, quod pro dulci affectione quam habebam erga bonæ memoriæ dominum et maritum meum Guicardum, dominum Bellijoci, corpus meum donavi in ecclesia Cluniacensi et cum ipso sepulturam elegi. In cujus rei testimonium præsentes litteras sigilli mei munimine feci roborari. Actum anno gratiæ M. CC. XVI, mense octobris.