Charta qua Willelmus, comes Viennæ et Matisconensis, notum facit se dedicasse libertatem in villa de Montbertot.
Willermus, comes Viennæ et Masticonis, omnibus præsentibus et futuris præsentem cartam inspecturis, salutem. Notum sit vobis, quod ego Willermus, comes Viennæ et Masticonis, dedico libertatem in villa de Monbertot intus barras, quæ est in villa franca, quam juravi tenendam. Et ne istud factum tradatur oblivioni in posterum, præsentem cartulam sigilli mei munimine roboravi. Actum anno Domini M. CC. XXI, mense januarii.