CCE: cartae cluniacenses electronicae
Database of the Charters of the abbey of Cluny (802-1300)

BB 4559     View  [Back]
Charta qua Stephanus, dominus de Neblanto, notum facit pacem factam fuisse inter Johannem, fratrem suum, et ecclesiam Cluniacensem, super morte Jacobi de Pierreclos.
Ego Stephanus, dominus de Neblento, notum facio omnibus tam presentibus quam futuris, quod cum discordia verteretur inter Johannem, fratrem meum, ex una parte, et ecclesiam Cluniacensem, ex altera, pacificata est in hunc modum: quod Johannes, frater meus, omnes injurias et querelas quas habebat adversus dictam ecclesiam, pro morte Jacobi de Pierreclos, remisit et quittavit, juramento interposito, et etiam alias, si que post pacem factam per manum domini Cabilonensis postea sunt exorte. Promisimus etiam, ego et frater meus Johannes, bona fide, patrem dicti Jacobi et fratrem ejusdem ad hoc inducere, quod ad domnum Jacobum de Luynie compromitterent, vel in aliquem alium bonum virum, qui de pace ipsorum cum ecclesia Cluniacensi fideliter laboraret, et ecclesia Cluniacensis in magistrum Chrispinum Cluniacensem, qui si forte discordes in aliquo essent, prior Sancti Marcelli voluntate utriusque partis in hoc superior potestatem habet discordiam concordandi; quod si hoc forte nolent facere, nos eis de cetero non essemus adjutores. Et ego Stephanus hanc pacem pro me et pro Hugone, filio meo, laudavi, et eam bona fide teneor custodire. Tenemur etiam super hoc bona fide rogare dominum Cabilonensem et dominum Montis Acuti, ut super hoc ecclesie Cluniacensi litteras suas tradant. Promisimus etiam et tenemur bona fide pacem illam fideliter custodire, que facta fuit per dominum Cabilonensem, prout in ipsius et in domine ducisse litteris continetur. Et hec concordia facta fuit in multorum bonorum virorum presentia, apud domum Dei de Merlo, anno Domini millesimo ducentesimo visesimo septimo, mense martii. (Le sceau est perdu)
(Au dos:) Domini Johannis de Neblanto, de pace facta inter ipsum et ecclesiam Cluniacensem super morte Jacobi de Pierreclos.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung