Charta qua abbas Mauziacensis marescallo Arverniæ et Raimundo de Channai ducentas et viginti libras Turonensium in loco abbatis Cluniacensis se restituturum restiturum pollicitus est.
Universis Christi fidelibus præsentes litteras inspecturis, frater A[ymericus], abbas Mauziacensis, salutem in Domino. Universitati vestræ
notum facimus, quod nos promisimus venerabili abbati patri Cluniacensi et per præsentes litteras nos obligavimus eidem, quod ipsi vel mandato suo litteras suas, quas tam marescallo Alverniæ quam Raimondo de Channai tradiderat, et per eas se obligaverat eisdem in ducentis libris et viginti Turonensium, restituemus immunes, et eum a dictis obligationibus liberabimus sine suo costamento, ita quod ab ipso vel successoribus suis dictæ ducentæ libræ et viginti Turonensium de cetero non petentur, nec aliquod costamentum vel damnum pro ipsis. In cujus rei testimonium, præsentes litteras sigilli nostri munimine ipsi domino abbati Cluniacensi tradidimus roboratas. Datum apud Castrum in montanis, post octabas Pentecostes, anno Domini M
o CC
o XXX tertio.