J. Grossus, Branceduni dominus, universis præsentes litteras inspecturis, salutem. Noveritis, quod ego laudo et concedo quitationem quam Stephanus, dominus Calvimontis, fecit monachis Cluniacensibus de Bernardo des Pomiers, quem ipse Stephanus quitavit ab omnibus, exceptis moribus usis in villa de la Verrere. Et ut hoc ratum et firmum habeatur, sigilli mei munimine roboravi. Actum anno Domini M^o CC^o XXX^o V^o.