CCE: cartae cluniacenses electronicae
Database of the Charters of the abbey of Cluny (802-1300)

BB 5267     View  [Back]
Lettres par lesquelles Robert II, duc de Bourgogne, confirme la vente que Pierre li Orgeuz a faite au prieur de Blanzy de la justice et de la seigneurie dudit prieuré.
Nous Robers, dux de Burgongne, faisons savoir à tous cels qui orront et verront ces presentes lectres, que cumme messires Pierres de Orgüer, chevaliers, ait reconeu publicment en jugement, par devant nos, que il a vendu au prieuré de Blancé la joustise et la seignorie doudit prioré et dou cimetiere de Blansé, de ce qui estoit de la garde audit Perron, sauve la grant joustise desdis leus, que est au seigneur de Chatiau Vilain, si cum li dis Pierres aferme par devant nos, et ausi con li dis Pierres dit que il est contenu es lectres sellées dou seel audit seigneur de Chastiau Vilain; que nos dou cui riere fié lesdites choses vendues sunt, ladite vandue, de tant come il nos apartient, loons et ostroions, et l'avons pour ferme et pour estable, et promettons que nos ne vandrons pas à l'encontre ne ne consantirons à venir. En tesigmoignage de la quel chose nos avons mis nostre seel en ces presentes lectres, faites et données en l'an de l'incarnation Nostre Seigneur mil et CC. LX et XIX, ou mois de novembre.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung