CCE: cartae cluniacenses electronicae
Database of the Charters of the abbey of Cluny (802-1300)

BB 5317     View  [Back]
Charta qua capitulum Carnotense concedit ut conventus Cluniacensis habeat perpetuo præbendam in ecclesia Carnotensi.
Universis presentes litteras inspecturis, decanus et universitas capituli Carnotensis, salutem in Domino sempiternam. Noveritis quod nos volumus, consentimus et concedimus quod venerabiles et religiosi viri abbas et conventus monasterii Cluniacensis habeant et percipiant deinceps in perpetuum in nostra ecclesia Carnotensi, libere et pacifice et quiete, quamdam prebendam cum fructibus prout eam habere et percipere consueverunt dicti abbas et conventus ab antiquis temporibus, in nostra dicta ecclesia Carnotensi. In cujus rei testimonium tradidimus et concessimus predictis abbati et conventui Cluniacensibus presentes litteras sigilli nostri appositione munitas. Datum Carnoti, pridie idus octobris, anno Domini Mo CCo octogesimo quarto. (Trace du sceau)
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung