Philippus, Dei gracia Francorum rex, baillivo Matisconensi, salutem. Mandamus vobis, quatinus non recipiatis in aliquo casu appellationes ab audientia abbatis Cluniacensis, gentis et decanorum ipsius seu ipsorum curie ad vos interpositas, nec de ipsis appellationibus aliquatenus cognoscatis, sed pocius eas nostre curie remittatis, cum istud alias vobis seu predecessoribus vestris injunctum fuerit et per nostram curiam extiterit ordinatum. Actum Parisius, die mercurii post conversionem sancti Pauli, anno Domini millesimo CC^o nonagesimo quarto.