Charta qua Tetsa confert monasterio Cluniacensi, pro anima mariti sui Achardi, quasdam res in villis Flatgiaco et Masciliaco.
Notum sit omnibus fidelibus christianis quod ego Tetsa femina dono Domino Deo et sanctis ejus apostolis Petro et Paulo, et ad locum Cluniacum, pro anima mariti mei Achardi, duas peciolas de
terra aratoria cum bosco superposito, in villa Flatgiaco, et unum pratum in villa Masciliaco, ut ab hodierno die in usus monachorum sit, absque ullius contradictione. S. Tetsæ, quę hanc cartam fecit et firmare rogavit. S. Gilini et fratrum ejus. S. Girardi. Actum kalendis januarii.