Charta qua Itbertus et uxor ejus Clara pratum in villa Galoniaco monasterio Cluniacensi vendunt.
Ego Ibertus vendo Froterio monacho et ecclesie Sancti Petri Cluniacensi unum pratum in villa Galoniaco; terminat a mane et a me
ridie via publica, a vespera et a circio prato Sancti Petri. Infra istas terminationes, ad integrum vobis vendo, et accipio a vobis pretium valente denarios XIIII; et post hunc diem quicquid volueritis facite. Si quis vero contradicere voluerit, X solidos componat, et venditio ista firma permaneat, cum stipulatione subnixa. Actum Galoniaco villa. S. Itberti et uxoris sue Clarę, qui vendiderunt et firmari rogaverunt. S. Vuandaldi. S. Fulgratii. S. Teotardi. S. Roberti. Teotgerius rogatus scripsit die martis, in mense novenbris, anno V regnante Ludovico rege.