Charta qua Richildis dat monasterio Cluniacensi, pro remedio animæ senioris sui Aganonis, duos mansos in parrochia sancti Ferreoli et alium in villa Maciaco.
Ego igitur Richildis femina, Deo devota, cogitavi de misericordia Dei, pro remedium anime senioris mei et pro mee animę, et pro parentum meorum, dono aliquid de rebus meis ad locum Cluniacum, qui est constructus in honore beatorum apostolorum Petri et Pauli. Ipsas res quas dono sunt site in pago Vianessi, in parrochia Sancti Ferreoli: hoc sunt mansos duos cum vineis et campis et silvis, quos de seniore meo Aganone legibus adquisivi; et dono in alio loco, in villa Maciaco, mansum unum cum vineis duabus. Una vinea terminat de uno fronte terra Sancti Petri, de tribus partibus terra Boni levitę. Alia vinea
terminat de uno fronte terra Sancti Simphoriani, de alia parte terra Bosonis, de alia parte terra Sancti Petri. Eo tenore, quamdiu ego advixero, unam medietatem usufructu teneam, aliam medietatem recipiant monachi Sancti Petri, et post meum dicessum, ad locum destinatum perveniat, et donatio ista omni tempore, cum stipulatione, firma permaneat. Et si ego, aut ulla persona, qui contra donationem istam calumpniam inferre voluerit, in primis ira Dei incurrat super eum, et componat de auro libras duas. Signum Richildis, qui hanc cartam rogare fieri et firmare fecit. Signum Gemmonis, Anpasi, Borcardi, Fanuelis, Arnoldi, Andreę, Martini. Ego Helias rogatus scripsi hanc cartam, regnante Conrado XX. Boso levita, qui in omnibus consensit.