Charta qua Lambertus comes et uxor ejus Adeleydis dant monasterio Cluniacensi capellam beati Martini in villa Vigoseto.
Dominus, ac Salvator noster, et cetera. Ego Lanbertus comes atque uxor mea Adeleydis donamus Deo et sanctis apostolis ejus Petro et Paulo, et ad locum Cluniacum aliquid ex rebus juris nostri quę sunt sitę in comitatu Augustudunensi, in villa quę vocatur Vigosetum: hoc est capellam in honore beati Martini, cum omnibus suis apendentiis, campis, vineis, silvis, totum ad integrum, et terram de Noerolo, quę est de ipsa hereditate. Actum Cluniaco. Testes: Lanbertus comes, Adeleydis, uxor ejus, Raculfus, Gausfredus, Rotbertus, Lanbertus, Rodulfus, Vuillelmus, Leotaldus, Atto, Hugo, Leotbaldus, Griso, Albericus. Data per manum Rothardi, anno XXVIII Hlotharii regis.