Charta qua Emma et frater ejus Bodo dant monasterio Cluniacensi, pro anima parentum suorum Gisonis et Aaliardis, curtilum et campos in villis Misiaco et Dunziaco.
Notum sit omnibus tam futuris quam presentibus, quod ego Emma, pro anima genitoris et genitricis meę Aaliardis, et senioris mei Giperii, dono Deo sanctisque apostolis ejus Petro et Paulo, ad locum Cluniacum, unum curtile in pago Matisconense, in villa Dunziaco; et terminatur de uno latere terra Bernardi, de alio Livonis, de una fronte terra Achardi, de alia via publica, et habet in latum perticas XI et in longum quantum tenet. Et ego Bodo, pro commendatione animę patris mei Gisonis et genitricis meę Aaliardis, dono ad ipsum locum campum in villa Misiaco, terminatum de uno latere terra Sancti Petri, de alio Selgionis, de una fronte Guanda vo[l]vente, de alia via publica; et in alio loco campum, ad Sogereto vocatur, et terminatur de uno latere terra Vincentii, de alio Witdonis, de una fronte Constabuli, de alia Gavaldranni. Infra istas terminationes, totum at integrum donamus, ut suprascriptum est, sine contradictione. Qui autem calumpniaverit, auri libras IIII componat, et postea et firma et stabilis permaneat, cum stipulatione subnixa. Actum Besorniaco publice. S. Emmę et Bodonis, qui fieri et firmare rogaverunt. S. Ugonis. S. Vulfradi. S. Eldegrimi presbiteri. S. Bernardi. S. Guntardi. S. Anblardi. S. Arenberti. S. Johannis. Ego Maingaudus scripsi mense junio, regnante Hugone rege, anno IIII ejus imperii.