Charta qua Amalbertus dat monasterio Cluniacensi curtilum et vineolam in villa Rufiaco.
In nomine Domini nostri Jesu Christi. Notum sit cunctis fidelibus christianis, quod ego Amalbertus dono Deo et sanctis ejus apostolis
Petro et Paulo, ad locum Cluniacum, in quo loco domnus Odilo abbas preesse videtur, unum curtilum qui situs est in villa Rufiaco; terminat autem a mane terra Ornadi, a medio die via publica, a sero terra Letberge. Dono etiam in eadem jam dicta villa, unam vineolam tenens perticas tres in primo fronte, in novissimo perticas duas, de tribus partibus terra Sancti Petri, a sero terra Bernardi; in tali tenore ut, quandiu vixero, teneam et possideam, et persolvam omni anno in vestitura senioribus jam dicti loci unum sextarium vini et unam gerbam in campo, et post meum discessum, ad locum jam dictum perveniat. S. A[ma]lberti, qui hanc donationem fecit et firmare rogavit. S. Ulgerii. S. Lanteni. Data per manus Richardi sacerdotis.
(Au dos:) Amalbertus in Rufiaco.