Charta qua Ebraldus et liberi ejus dant monasterio Cluniacensi servum nomine Josbertum.
In nomine Domini nostri Jesu Christi. Ego Ebraldus et filii mei Achardus, Richardus, Johannes, Aidoardus, et filię Bernoeldis, Bereldis, nos pariter donamus unum servum, nomine Josbertum, Deo et
Sancto Petro Cluniensis monasterii, ubi dunnus Odilo abba preesse videtur, pro remedio animarum nostrarum, ut monachi presentes et futuri eum in servitio teneant perpetualiter, sine ulla interpellatione. S. Ebraldi et filiorum suorum ac filiarum, qui donationem servi fecerunt, et ipsi firmaverunt. S. Bernardi. S. Duranni. S. alii Ebraldi. S. Aymonis presbiteri. S. Duranni presbiteri. Frater Balduinus scripsit.