Charta qua Raimfredus et uxor ejus Aldegardis vendunt monasterio Cluniacensi curtilum cum vinea in villa Vetus Molino.
Domino sacro fratri Lamberto emptori, ego, in Dei nomine, Raimfredus et uxor mea Aldegaldis, venditores, vendidimus tibi curtilum cum vinea, dimidium scilicet juris nostri, quę est sita in pago Cabilonense, in fine Rofiacense, in Vetus Molinum vo[cant]; et accepimus a te precium de casa beati Petri Cluniensis cenobii denariorum solidos VIII
o. Quapropter censsuimus predictam vineam medietatem, que
terminat de uno fronte terrę Sancte Marię et de alio fronte terrę Sancti Marcelli, de uno latere Sancte Marię, et de alio terre Sancti Marcelli, eternaliter possidendam fratribus comanentium loco Cluniensis cenobii. Ut autem carta hec venditionis a nobis facta in eternum firma ac stabilis permaneat, manibus propriis eam subter firmavimus et firmare rogavimus, sine ullo contradicente. Si quis autem heredum nostrorum conclamare aut aliquid calumpniare rectoribus supradicti loci Cluniensi presumpserit, non valeat vindicare quod querit; sed judiciaria convictus juditio, auri uncias IIII [persolvat]. Acta Belmontense, atrio beatę Marię. S. Raimfredi et Aldegardis, uxoris suę, qui fieri jusserunt et firmare rogaverunt. S. Bovonis, Leotardi, Basini, Leotardi, Cons..., Arberti, Petroni, Vuandalberti, Tedoni, Constantii. Fidem fecerunt contra Raimfredum de ista carta: Bovo, Basinus, Teotardus, Arbertus, Petrus, Arenbertus, Constancius, Vuandalbertus. Sigbaldus scribsit, regnante Rotberto rege.