Charta qua Richardus et frater ejus Arbertus dant monasterio Cluniacensi vineam in villa Quinciaco mansumque in Bruliaco.
In nomine Verbi incarnati. Nos, in Dei nomine, Richardus et frater meus Arbertus donamus ad locum Cluniacum aliquid ex rebus nostris in villa Quinciaco, [hoc est] unam vineam quę fuit Ardradi de Brualio. Quamdiu vixero teneam et possideam, et post meum discesum ad jam dictum locum perveniat. Similiter ego Arbertus dono in Bruliaco mansum unum, ut quamdiu vixero teneam: Umbertus ibi manet; post meum discessum ad Sanctum Petrum perveniat. S. Richardi, Arberti, Bernardi, Aymonis, Ledgardis, Rodgardis. Regnante Rodberto rege.