Charta qua frater Isembardus dimittit monachis Cluniacensibus mansum in villa Crosa et omnia beneficia sua.
Ego frater Isembardus dono Cluniaco monasterio habitatoribusque ejus unum mansum in pago Viennense, in villa quę vocatur Crosa, cum omni integritate ad ipsum pertinente, qui terminatur ex omni parte terra Sancti Petri. Beneficia autem in omnibus ubicumque pater meus habuit et ego habeo vel habuero a vestra potestate sumpta, dono vobis jam dictis habitatoribus sine aliquo precio vel contradictione.