Charta qua Hugo, Richardus et Ornatus dant monasterio Cluniacensi mansum in villa Saliaco.
Notum sit omnibus, quod ego Ugo et frater meus Richardus donamus, pro animarum nostrarum remedio, ęcclesię Beati Petri Cluniacensis, duas partes unius mansi in villa Saliaco, cum servo nomine Eldrico et infantibus ejus. Alteram vero partem ipsius mansi tertius frater noster, nomine Hornatus, huic ęcclesię dedit tali tenore, ut in sua vita teneat et post obitum suum Sancto Petro remaneat.